| Brandaan-siklus (4) "Tokolosi" deur D.J. OPPERMAN [boodskap #50050] |
Do, 13 September 2001 21:23 |
|
|
Oorspronklik gepos deur: @home.com
Uit die Brandaan-siklus
D.J. Opperman
Tokolosi
Wanneer die pietersielie water trek
hoor sy van die rivier 'n soet gefluit,
maar op nat klippe by die oortrapplek
gryp hande uit die water na haar kuit.
En met die padgee van groen stringe slyk
sien sy die halfman, halflikkewaan
los uit die water lig: spits oë kyk
haar tussen borste en vol heupe aan
dat sy eers aarsel, dan verskrik wegvlug
vanuit die drif se sleepsel van verdriete,
maar ingehaal, teensinnig op die rug
tog oorgee aan die vreugde in die riete.
En nege mane lank dink sy verstom
van wié en hoé die nuwe lewe kom.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
